Ekspertiza për vdekjen e Astrit Deharit, dërgohet javën tjetër në Zvicër

Rasti i vdekjes së ish-aktivistit të Lëvizjes Vetëvendosje, Astrit Dehari do të transferohet në Zvicër për super-ekspertizë.

Ministri i Drejtësisë Abelard Tahiri në seancën e Kuvendit ka thënë se nga java e ardhshme kjo lëndë do të dërgohet në Institutin e Mjekësisë Ligjore në Lozanë të Zvicrës.

Tahiri foli për këtë çështje pasi u pyet nga deputeti i Vetëvendosjes, Sami Kurteshi, se në cilën fazë është ky proces.

Ministri Tahiri ka thënë se vonesat kanë ndodhur si pasojë e lëndës voluminoze, meqë kanë qenë rreth 3 mijë faqe për përkthim.

“Unë iu informoj që këtë javë ka përfunduar përkthimi i lëndës komplet. Ka qenë lëndë voluminoze me një material rreth 3 mijë faqe. Jam informuar nga prokuroria e shtetit që javën që do të vijë nga e hëna e tutje lënda do të dërgohet përmes atasheut policor të ambasadës së Zvicrës që është në Republikën e Kosovës drejtë institutit në fjalë. Pra, Ministria e Drejtësisë nuk është ndërlidhëse në këtë rast, por është prokurori i rastit përmes Prokurorisë së Shtetit”, ka thënë ministri Tahiri.

Astrit Dehari vdiq më 5 nëntor 2016, teksa po mbahej në Qendrën e Paraburgimit në Prizren, si i dyshuar për sulmin ndaj ndërtesës së Kuvendit në gusht të vitit 2016.

Në shkurt të vitit 2017, familja e tij vendosi që ekspertizën për këtë rast ta kryejë Qendra Universitare e Mjekësisë Ligjore në Zvicrën Franceze.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP