LSDM dhe koalicioni do ta përkrahin Angellovska Bezhoskën për guvernatore të Bankës Popullore

Grupi i deputetëve të LSDM-së dhe koalicionit të hënën në koordinim do ta shqyrtojnë propozimin e presidentit, Gjorge Ivnaov, zëvendësguvernatores, Anita Angellovska Bezhoska, të jetë guvernatore e re e Bankës Popullore të Republikës së Maqedonisë (BPRM), njofton Portalb.mk.

Koordinatori i grupit të deputetëve të LSDM-së, tha se LSDM dhe koalicioni, pozitivisht e shohin propozimin e ri të presidentit Ivanov.

“Personalisht vlerësoj se Angellovska Bezhoska, e cila është dëshmuar si eksperte dhe profesionale në fushën e saj, e meriton mbështetjen tonë. Vetëm të rikujtoj se verën e kaluar si grup i deputetëve e kemi treguar qëndrimin tonë afirmativ dhe kemi dhënë mbështetje për Anita Angellovska Bexhoska, kur e përkrahim dhe e votuan për rizgjedhjen e saj në postin e zëvendësguvernatores. Duke e pasur parasysh biografinë e saj impozante, përvojën e pasuruar dhearritjet e saja profesionale, fare nuk dyshoj se qëndrimi i përgjithshëm i grupit tonë parlamentare me këtë propozim do të ngelet i pandryshuar – se do të jetë pozitiv dhe se vetëm do të konfirmohet në takimin koordinativ me grupin e deputetëve”, tha Tuntev.

Ai tha se bëhet fjalë për pozitë veçanërisht të rëndësishme, dhe për atë personi që do të vendoset në krye të BPRM-së, patjetër duhet që të dalë nëpërmjet dialogut të shëndoshë dhe të argumentuar mes funksionarëve më të lartë shtetëror, që të arrihet deri në zgjidhje të përbashkët e cila është e pranueshme për guvernator.

“Në pozitën e guvernatorit është e nevojshme që të vendoset njeri i cili do ta garantojë pavarësinë e institucionit, i cili do të kujdeset për zhvillimin dhe avancimin e sistemit bankar dhe për stabilitetin financiar të shtetit, dhe i cili do të punojë vetëm në interes të qytetarëve”, shtoi ai.

Anita Angellovska- Bezhoska është propozuar nga presidenti Ivanov për guvernatore të BPRM-së

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP