Juventusi arrin akordin me zëvendësuesin e Buffon
Duke pritur zyrtarizimin e lamtumirës së Buffon, Juventusi është duke punuar intensivisht për të gjetur pasuesin e portierit legjendar.
Vitet e kaluar një ndër kandidatët potencial ishte portieri i Milanit dhe tashmë edhe i kombëtares Italiane, Donnarumma, por tashmë Juventusi po punon dhe duket se ka arritur edhe një akord me një tjetër portier, transmeton TCH.
Fjala është për portierin e Genoa-s Mattia Perin. Allegri është i bindur tashmë se për të pasur një ecuri pozitive në kampionat dhe njëkohësisht edhe në Europë është e nevojshme që të ketë në dispozicion dy portierë kryesorë.
Mediat italiane shkruajnë se tashmë është arritur akordi me Perin, i cili do të nënshkruajë një kontratë 5 vjeçare me 2.5 milionë euro në sezon. Ndërkohë marrëveshja me presidentin e Genoas është ende në diskutime.
