Rama takohet me Macronin, Franca i sheh pozitive reformat në Shqipëri

Presidenti i Francës, Emmanuel Macron, ka pritur sot në Paris kryeministrin shqiptar Edi Rama.

Sipas “Top-Channel”, Macron është shprehur i kënaqur për reformat, sidomos atë në drejtësi, në Shqipëri. Macron thuhet po ashtu se ka vlerësuar edhe rezultatet e luftës kundër krimit të organizuar dhe korrupsionit.

Në këtë takim, Macron ka falënderuar Shqipërinë për bashkëpunimin me institucionet e specializuara franceze për të ndalur fenomenimin e abuzimeve me sistemin e azilkërkimit.

Rama, sipas raportimit, ka kërkuar që Franca në qershor të pranojë hapjen e negociatave për anëtarësim të Shqipërisë në Bashkimin Evropian. Në përgjigje, Macron mësohet se ka theksuar se strukturat përkatëse në Paris janë angazhuar seriozisht në leximin e detajuar të raport të Komisionit Evropian dhe në javët në vijim do të formojmë edhe qëndrimin përfundimtar të Francës.

Rajoni dhe roli i Shqipërisë në të ka qenë tjetër temë e takimit, së bashku me samitin e Sofjes, ku Macron është shprehur se do të mbajë një fjalë tepër të rëndësishme. Për sa i përket politikës së jashtme të Tiranës, Franca thuhet se ka vlerësuar koherencën e Shqipërisë dhe linjën e saj të konsoliduar me politikën e jashtme të Bashkimit Evropian.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP