Ivanov e ka shkarkuar Racajn nga z/shef i Shtatmadhorisë, në vend të tij vjen Nuredini

Komandanti suprem i Armatës së Maqedonisë, presidenti Gjorge Ivanov e ka shkarkuar zv/shefin e Shtatmadhorisë (SHA), gjeneral brigade, Muhamet Racaj, mëson Portalb.mk.

Informatën e konfirmojnë edhe nga Kabineti i Presidentit, të cilët thonë se me dekret të publikuar në Gazetën Zyrtare, Racaj është shkarkuar nga  posti.

“Po, është e vërtetë informata dhe dekreti është publikuar në Gazetën Zyrtare. Racaj është shkarkuar dhe në vend të tij është vendosur Azim Nuredini”, konfirmojnë nga Kabineti për Portalb.mk.

Ndryshe, Racaj në postin e zëvendësit të eprorit të Shtatmadhorisë-së ka ardhur më 18 gusht të vitit 2015-të.

Gjeneral brigade Nuredini, që do të vijë në vend të Racajt, paraprakisht ka qenë shef i Shtabit të Komandës së Operacioneve të Përbashkëta.

Azim Nuredini

Azim Nuredini

Me prejardhje është nga Manastiri, ndërkaq shkollimin e lartë ushtarak e ka kryer në Beograd të Serbisë. Akademinë Ushtarake të Forcave Tokësore e ka kryer në Shkup dhe Beograd, ndërkaq Shkollën e Lartë për Mbrojtje Nacionale e ka kryer në Turqi.

Titullin gjeneral brigade e ka marrë në vitin 2015, ndërkaq ka marrë medalje ISAF për pjesëmarrje në një mision paqeruajtës.

E njeh gjuhën turke, serbe dhe angleze. Është i martuar dhe ka dy fëmijë.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP