Muaji i Ramazanit

Elmedin Memishi

Elmedin Memishi

Jemi në prag të fillimit të muajt të shenjtë të Ramazanit. Ky muaj është i veçantë për muslimanët e gjithë botës dhe është i dalluar nga 11 muajt e tjerë të vitit. Kënaqësia e këtij muaji është e pa përshkrueshme për ata që e kanë përjetuar dhe që do ta përjetojnë. Kënaqësia e parë është; Syfyri.

Syfyri ka vlerë të veçantë në këtë muaj, zgjimi nga gjumi dhe ngrënia ushqim në atë kohë, është një vepër me të cilën Zoti i madhëruar vlerëson besimtarin. Muhamedi a.s. në lidhje me syfyrin ka thënë: “Zgjohuni në syfyr sepse në të ka bereqet”. Pas syfyrit, e kemi Iftarin. Gjithashtu edhe Iftari e ka rëndësinë e vet në këtë muaj të bekuar. Pas agjërimit shumë orësh që bëjnë muslimanët, në Iftar lejohet ngrënia dhe pirja. Në momentet kur afrohet Iftari, tek Zoti pranohet çdo lutje që i drejtohet besimtari, lutje për të varfrit, lutje për të sëmurët dhe lutje te Zoti për të na falur gjynahet tona.

Të gjithë ata të cilët kanë humbur Ramazanet e kaluara pa agjëruar, e kanë mundësin që këtë Ramazan të pendohen, të agjërojnë dhe të kërkojnë falje tek i plotfuqishmi për vitet e kaluara që nuk ka pasur mundësi të agjëroj për arsye të ndryshme. Këshilla ime për të gjithë ata besimtarë që do të agjërojnë; të jenë më tolerant me të tjerët, të tregojnë më shumë harmoni nëpër familjet e tyre dhe ta përjetojnë Ramazanin me shpirt dhe zemër ashtu siç na ka mësuar Zoti. Ata të cilët nuk do të agjërojnë, mos i ofendoni dhe shani, nuk na mëson kështu Islami por të lutemi që edhe ata të udhëzohen dhe ta kuptojnë peshën dhe vlerën e këtij muaj të bekuar e këtij mysafiri që na vjen njëherë në vjet.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI MOBIL