Turqia kundër SHBA: Humbi statusin e negociatorit në Lindjen e Mesme

Turqia ka reaguar në lidhje me zhvendosjen e ambasadës së Shteteve të Bashkuara të Amerikës nga Tel Avivi në Jeruzalem.

Presidenti Erdogan thotë se ky vendim i heq Uashingtonit statusin e negociatorit në Lindjen e Mesme, transmeton Top Channel. 

“Shtetet e Bashkuara humbën statusin e tyre si negociatorë potencialë në procesin e paqes në Lindjen e Mesme me zhvendosjen e ambasadës së tyre në Jeruzalem. Ndjej keqardhje për këtë vendin dhe duket se po jetojmë në periudhat e errta para Luftës ë Dytë Botërore”, deklaroi Erdogan.

Komentet e Presidentit turk u bënë nga Londra, ku ndodhet për një vizitë zyrtare treditore.

Ndërkohë, në Ankara ka komentuar Kryeministri Bekir Bozdag, që u tregua edhe më i ashpër se Erdogan.

“SHBA ndan po aq përgjegjësi sa Izraeli në masakrën e civilëve në kufirin e Gazas, ku kanë mbetur të paktën 40 të vrarë nga zjarri izraelit”, deklaroi ai në Tëitter.

Ministri i Jashtëm, Mevlut Çavushoglu nga ana tjetër thotë se dënimi i masakrës nuk mjafton, ndërsa zhvendosjen e ambasadës e cilëson në kundërshtim me ligjet ndërkombëtare dhe rezulotën e dhjetorit të miratuar në OKB.

“E dënojmë fort vendimin e administratës amerikane. Lëvizja e ambasadës është ligjërisht nul, i pavlefshëm dhe kundër rezolutave të OKB. Theksojmë se ky hap, që shpërfill të drejtat legjitime të palestinezëve nuk i shërben paqe, sigurisë dhe stabilitetit të rajonit”, deklaroi ai përmes një komunikate të shpërndarë për mediat.

Hapet ambasada amerikane në Kuds

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP