Real Madrid ofron shumën e çmendur: 600 milionë euro për Neymar

Më pak se një vit më parë, Neymar ishte protagonist i merkatos së futbollit. AI u bë transferimi më i shtrenjtë në historinë e këtij sporti, duke kaluar nga Barcelona te PSG për 222 milionë euro. Këtë verë, megjithatë, braziliani mund të kthehet në qendër të merkatos, duke mbushur faqet e para të gazetave sportive europiane, teksa përflitet një rikthim i fuqishëm në Spanjë, në radhët e Real Madridit.

Sipas “Gazzetta dello Sport”, klubi madrilen do të jetë i gatshëm për të vënë në pjatë 600 milionë euro, për ta marrë Neymar nga PSG. Një shifër astronomike, e cila do të amortizohet pjesërisht nga shitja e Bale (me vlerë të paktën 100 milionë euro). Hipoteza e largimit të yllit brazilian është mohuar kategorikisht nga PSG-ja, klubi i tij aktual, që ka një kontratë ligjore me të, transmeton Telesport.

Në Spanjë theksojnë se PSG mund të përfitojë nga transferimin e Neymar për të zgjidhur disa probleme, që lidhen me “fair play financiar”, por Al-Khelaifi ka bërë një investim afatgjatë me blerjen e “O’Ney”, për të promovuar jo vetëm zhvillimin sportiv të klubit, por edhe edhe atë komercial në mbarë botën.

Përshtypja është se çështja vazhdon të mbetet e hapur, ndërsa trajneri Zidane tashmë është duke menduar për çiftin Neymar-Ronaldo, duke përjashtuar problemet e përshtatshmërisë: “Për Neymar nuk kam asnjë gjë të re, por lojtarët e mirë janë gjithmonë të pajtueshëm në një ekip. Ne do të flasim për këtë gjë në fund të sezonit”.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP