Pendarovski: Nuk ka kërcënime për integritetin territorial të Maqedonisë

“Nëse nuk marrim ftesë për NATO, sfida jonë në periudhën e ardhshme, përkundër parashikimeve katastrofike të dikujt, nuk do të jetë ruajtja e integritetit dhe sovranitetit territorial, pasi që kërcënime të tilla nuk ekzistojnë, por zhvillimi i institucioneve demokratike dhe ekonomisë”, deklaroi koordinatori nacional për anëtarësim në NATO, Stevo Pendarovski, në debatin e sotëm “Sfidat e Maqedonisë përpara Samitit të NATO-s në vitin 2018”, njofton Portalb.mk.

Pendarovksi tha se është i rëndësishëm fokusi ndaj zhvillimit ekonomik, veçmas nga aspekti i investimeve të huaja, të cilat objektivisht shumë më lehtë vijnë, veçmas në vendet të cilët janë pjesë të një regjimi dhe stabiliteti më të gjerë.

Ai ka theksuar se teza e tij themelore është se sfidat e tona janë më specifike. Krahasuar me vendet tjera aspiruese, asnjë nga vendet tjetër nuk ka problem të ngjashëm.

Goran Bartoll, shefi i Zyrës së NATO-s në Shkup, theksoi se është shumë inkurajuese ajo që Qeveria ka organizuar një sërë ngjarjesh për të shënuar Ditën e NATO-s kur përpara 69 viteve zyrtarisht u vendosën themelet e NATO-s me nënshkrimin e Marrëveshjes Veriatlantike në Uashington.

“Është shumë inkurajuese ajo që shohim dinamikë më të madhe në integrimin euroatlantik të vendit. Gjithashtu, shoh se konferenca e sotme është pjesë e përpjekjeve intensive që të potencohet rëndësia e integrimeve euroatlantike. Keni arritur shumë zhvillim por ende ka shumë që të bëhet”, tha Bartol.

Ish deputetja, Nora Aliti, theksoi se nuk duhet të zhgënjehemi nëse përpara Samitit të NATO-s nuk marrim ftesë për hyrje.

“Sfidë e madhe për ne është që të përgatitemi se mundet që të mos marrim ftesë për anëtarësim.

Nenad Mehmedoviq, kryetar i Institutit për Politikë Publike, e ka paraqitur ueb-faqen e NTO-s, www.nato.mk në të cilën do të publikohen informata të sakta dhe në kohë për rrugën e Maqedonisë drejt NATO-s, por edhe për vetë Aleancën.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP