Marku shkarkon prokurorin e dosjes së Saimir Tahirit
Kryeprokurorja Arta Marku largon nga detyra kreun e Krimeve të Rënda, Besim Hajdarmataj.
Vendimi është marrë këtë të mërkurë dhe në vend të Hajdarmataj është komanduar prokurorja Donika Prela.
Hajdamataj është prokurori që po heton dosjen “Habilaj-Tahiri”. Largimi i tij mbërrin një ditë pasi Hadarmataj mori në pyetje Gentian Ceka, shofer i ish-ministrit të Brendshëm, Saimir Tahiri.
Hajdarmataj njihet ndryshe edhe si personi i besuar i ish-kryeprokurorit Adriatik Llalla, transmeton Lexo.al.
Largimi vjen pas zbardhjes së Skandalit ku Hajdarmataj ka mbyllur në mënyrë misterioze dosjen e bosit të drogës Arbër Kuliçi (Çekaj).
Pas zbulimit të 613 kg kokaine që vinte nga Kolumbia, doli se pritësi i drogës kishte edhe një dosje tjetër të mbyllur nga kreu i Prokurorisë për Krimet e Rënda.
