Afganistan, sulm me bombë ndaj një qendre zgjedhore
Sipas vlerësimeve të para 10 persona e kanë humbur jetën si pasojë e një sulmi me bombë ndaj një xhamie e cila përdorej si qendër zgjedhore në provincën Khost në lindje të Afganistanit, transmeton Anadolu Agency (AA).
Drejtori i policisë në Khost, Abdul Hannan tha se një bombë e vendosur në xhaminë Yakubi në qendrën e Khost-it, e cila po përdorej si qendër zgjedhore, është aktivizuar pas namazit të drekës.
Hannan thotë se si pasojë e sulmit, sipas vlerësimeve të para, 10 persona e kanë humbur jetën ndërsa 34 të tjerë janë plagosur.
Disa nga të plagosurit janë në gjendje të rëndë shëndetosore ndërkaq ka shqetësime se numri i viktimave mund të rritet.
Ende askush nuk e ka marrë përgjegjësinë mbi sulmin.
Në një sulm tjetër vetëvrasës të kryer dy ditë më parë nga organizata terroriste DEASH ndaj një qendre zgjedhore në Kabul, humbën jetën 57 persona.