Sot u mbajt mini-maratona “Të vrapojmë për shnet”, dedikuar fëmijëve të prekur nga kanceri

Mbi 300 garues fëmijë dhe të rritur sot morrën pjesë në mini-maratonën e organizuar për qëllime humane e cila u mbajt në Komunën e Çairit nën moton “Të vrapojmë për sh’net – Give a smile”, transmeton Portalb.mk.

Sekretari i Komunës së Çairit Nedim Rama, përfaqësues të kabinetit të kryetarit të komunës dhe të punësuar në Komunën e Çairit ishin pjesë e maratonës.

Pjesëmarrësit vrapuan në distancë rrethore në gjatësi prej 2100 metra kurse evenimenti sportiv ishte i shoqëruar me muzikë para dhe pas pjesës sportive.