Orban: Emigrantëve të mos u jepet asnjë cent nga fondet e BE-së

Kryeministri hungarez, Viktor Orban, thotë se asnjë qindarkë e buxhetit të BE-së nuk duhet të shkojë për emigrantët. Orban tha se Budapesti nuk do ta miratojë Kornizën Financiare Shumëvjeçare (MFF), nëse nuk i plotësohen kërkesat e tij.

Komisioni Evropian zbuloi propozimet e projektbuxhetit të mërkurën, por versioni final duhet të marrë dakordësinë unanime të të gjitha vendeve të BE-së.

“Ky do të jetë një proces negociatash dhe debatesh. Hungarezët nuk kanë pse shqetësohen. Përsa kohë që nuk thonë po, nuk do të ketë buxhet. Ne mendojmë se asnjë cent nuk duhet t’u jepet emigrantëve”, tha Orban duke shtuar se vendet e tjera që duan të mbështesin emigrantët duhet t’i paguajnë ata me të ardhurat e buxheteve kombëtare.

Orban thotë se fondet nuk duhen devijuar nga programet e zhvillimit rajonal dhe kërkimeve dhe t’u jepen vendeve që duan të pranojnë emigrantë.

Mbështetja e emigrantëve është një prej pikave kryesore të projektbuxhetit të Komisionit Europian.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP