Vullnetari rrezikoi të mbytet gjatë kërkimit të policëve në lumin Lepenec (VIDEO)

Një vullnetar i angazhuar në operacionin në kërkim të dy pjesëtarëve të Policisë së Kosovës, të zhdukur që nga e shtuna në mbrëmje pas aksidentit me veturën zyrtare, me të cilën dyshohet se ranë në ujërat e Lepencit, ka rrezikuar jetën në lumin e rrëmbyeshëm.

Kamera e KALLXO.com ka kapur momentet dramatike kur vullnetari ishte në rrezik për jetën teksa po merrte pjesë në operacionin e kërkimit të policëve të zhdukur.

Rasti ka ndodhur në momentin kur kryeministri i Kosovës, Ramush Haradinaj, ishte në Shtabin e Emergjencës, duke biseduar me zyrtarët e Policisë e të FSK-së rreth operacionit që po zhvillohet që nga e shtuna në mbrëmje.

Siç shihet në pamjet e KALLXO.com, vullnetari shpëton në çastet e fundit për shkak se ishte i rrezikuar nga uji i rrëmbyeshëm i lumit Lepenc.

 

Lajme të ngjashme

Leave a Reply

Your email address will not be published. Required fields are marked *

Back to top button