Zyrtarët policorë shqelmojnë të prangosurin (VIDEO)

Në një video të dërguar në KALLXO.com shihen tre zyrtarë të Policisë së Kosovës duke shqelmuar një person të prangosur nga vetë ata, një vit më parë.

Sipas ankuesit, ai është arrestuar fillimisht nga dy zyrtarët policorë. Më pas,këtyre dyve u kishin ardhur përforcime.

Ngjarja ka ndodhur në sheshin e Komunës së Ferizajt më 24 prill 2017.

KALLXO.com do t’i publikojë edhe intervistat me personat të cilët janë rrahur nga zyrtarët policorë të stacionit policor në Ferizaj.

KALLXO.com ka dërguar pyetje në Polici dhe në Inspektoratin Policor të Kosovës dhe është duke pritur përgjigje nga këto dy institucione.