Putin dhe Macron, bisedë telefonike mbi programin bërthamor të Iranit
Presidenti i Rusisë, Vladimir Putin dhe presidenti i Francës, Emmanuel Macron, kanë realizuar një bisedë telefonike, ku kanë diskutuar mbi programin bërthamor të Iranit, transmeton Anadolu Agency (AA).
Në një deklaratë nga zyra për shtyp e Kremlinit, thuhet se të dy liderët e kanë vlerësuar programin bërthamor të Iranit dhe kanë konfirmuar angazhimin e tyre për “planin gjithëpërfshirës të veprimit të përbashkët”.
Gjatë bisedës, përveç zhvillimeve tjera në fushën ndërkombëtare, janë diskutuar edhe marrëdhëniet dypalëshe mes Francës dhe Rusisë.
