Tetovë, filluan aktivitetet e Javës së Dallimeve Kulturore (VIDEO)

Java e Dallimeve Kulturore do të zhvillohet në Tetovë nga data 30 prill deri më 5 maj për të tetën herë me radhë nga OJQ Multikultura, njofton Portalb.mk. Java e Dallimeve Kulturore ka për qëllim promovimin e vlerave kulturore të të gjitha grupeve etnike që jetojnë në Republikën e Maqedonisë.

Egzona Abdi, nga Multikultura tha se aktiviteti ka për qëllim promovimin e vlerave kulturore të të gjitha grupeve etnike që jetojnë në Maqedoni.

Programi:

1 maj: Në mbrëmje do të organizohet peticion për të drejtat e punëtorëve
2 maj: Aktivistë të Multikulturës dhe Qendrës Ditore në Tetovë, vizitojnë fëmijët me nevoja të veçanta në Qendrën Ditore në Gostivar.
Në mbrëmje bëhet promovimi i librit dygjuhësor “Kur dashuria shkrihet si shkumës” nga Lulzim Haziri.
3 maj:
Organizohet punëtori për tejkalimin e paragjykimeve dhe stereotipave me
nxënësit e shkollave të mesme.
Në mbrëmje do të zhvillohet panel diskutim me temë “Rruga drejt suksesit” me tre panelistë nga grupe të ndryshme etnike.
4 maj: Dita kryesore apo Dita e Dallimeve – nga ora 12:00 në Qendrën për Kulturë në Tetovë. Do të ketë stenda të shkollave të mesme të cilat para filloristëve do të prezantojnë plan-programin e tyre.
Do të ketë dhe stenda të organizatave joqeveritare me qëllim që të rinjtë të kenë mundësi të informohen me programin e tyre dhe me mundësi për kyçje aktive në aktivitetet e tyre.
Do jetë edhe këndi i ushqimit ku do të prezantohen të ushqimet tradicionale të të gjitha grupeve etnike.
Këndi i fëmijëve ku përkujdesemi për argëtimin e tyre, këndi i artit ku do ketë ekspozitë të pikturave nga shkollat e mesme.
Në mbrëmje në qendër të qytetit do të kemi projeksion të një filmi.
5 maj:
Do të organizohet ekskursion në qytetin e Manastirit për aktivistët e Multikulturës.

OJQ Multikultura

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP