Presidenti francez Macron dhe presidenti i Iranit Ruhani realizuan bisedë telefonike

Presidenti i Francës, Emmanuel Macron dhe ai i Iranit, Hasan Ruhani, në javët në vijim do të vazhdojnë të bashkëpunojnë për çështjet si Jemeni, Siria dhe mbrojtja e përmbajtjes së marrëveshjes për programin bërthamore të nënshkruar në vitin 2015, transmeton Anadolu Agency (AA).

Në një deklaratë me shkrim nga pallati presidencial i Francës Elysee thuhet se të dy liderët kanë realizuar një bisedë telefonike.

Gjatë kësaj bisede, e cila njoftohet se ka zgjatur më shumë se një orë, Macron ka shprehur pikëpamjet e tij në lidhje me mbrojtjen e përmbajtjes dhe të përfitimeve të marrëveshjes për programin bërthamor të arritur në vitin 2015, si dhe për avancimin e negociatave në tre fusha të ndara mes këtyre dy shteteve.

Duke bërë të ditur se këto tre fusha janë kontrolli i aktiviteteve bërthamore pas vitit 2025, programi bërthamor i Iranit dhe krizat kryesore rajonale, në deklaratë thuhet se të dy liderët do të vazhdojnë bisedimet edhe gjatë javëve të ardhshme për mbrojtjen e marrëveshjes rreth programit bërthamor si dhe për vlerësimin e krizave si në Jemen dhe Siri.

Në pjesën e fundit të deklaratës rikujtohet qëndrimi i Francës në lidhje me nevojën e shmangies së çdo iniciative e cila mund të rrisë tensionin në rajon.

Macron para kësaj bisede kishte realizuar bisedë edhe me kryeministren e Britanisë së Madhe, Theresa May dhe me kancelaren gjermane Angela Merkel, ku kishte theksuar se veprimi i unifikuar mes Francës, Gjermanisë dhe Britanisë së Madhe do të jetë vendimtar në çështjet si marrëveshja për programin bërthamor me Iranin dhe zgjidhja e problemeve rajonale.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP