Formula 1: Lewis Hamilton fitues në Azerbajxhan
Piloti britanik i ekipit Mercedes, Lewis Hamilton, mbrëmë fitoi Çmimim e Madh të Azerbajxhanit në garën e Formula 1 që mbahet në Baku, raporton Anadolu Agency (AA).
Gara u mbajt në “Qarkun e Qytetit të Bakut”, një pistë e gjatë prej 6 kilometrash, në mbi 51 xhiro në kryeqytetin Baku.
Në xhiron e 49-të, Hamilton mori kryesimin pasi shoku i skuadrës së tij, Valtteri Bottas u përball me një plasje të gomës.
Duke lënë pas tij 2.4 sekonda pretenduesin tjetër të titullit, Kimi Raikkonen të Ferrarit, Hamilton arriti Çmimin e Madh të Azerbajxhanit, ndërsa Raikkonen doli i dyti.
Hamilton e mori fitoren e parë të këtij sezoni. Ai në karrierën e tij ka fituar 62 tituj të Çmimit të Madh.
Ndërkohë, piloti i Force India-s, Sergio Perez, doli në vendin e tretë.
Fitorja në Baku ka ndihmuar Hamiltonin që të arrijë në vendin e parë në renditjen e pilotëve në vitin 2018, edhe atë me plotë 70 pikë.
Hamilton ndiqet nga pilotët e Ferrarit, Sebastian Vettel dhe Raikkonen.
Vettel ka 66 pikë dhe Raikkonen deri më tani ka mbledhur 48 pikë.
Gara e pestë e këtij sezoni, Çmimi i Madh Spanjoll, do të mbahet më 13 maj.
– 10 pilotët më të mirë të Çmimit të Madh të Azerbajxhanit:
1. Lewis Hamilton (Mercedes)
2. Kimi Raikkonen (Ferrari)
3. Sergio Perez (Force India-Mercedes)
4. Sebastian Vettel (Ferrari)
5. Carlos Sainz (Renault)
6. Charles Leclerc (Alfa Romeo Sauber)
7. Fernando Alonso (McLaren-Renault)
8. Lance Stroll (Williams-Mercedes)
9. Stoffel Vandoorne (McLaren-Renault)
10. Brendon Hartley (Toro Rosso-Honda)
– Pozita e pilotëve:
1. Lewis Hamilton (Britania e Madhe ): 70 pikë
2. Sebastian Vettel (Gjermani): 66 pikë
3. Kimi Raikkonen (Finlandë): 48 pikë
4. Valtteri Bottas (Finlandë): 40 pikë
5. Daniel Ricciardo (Australia): 37 pikë
– Pozita e konstruktorit:
1. Ferrari: 114 pikë
2. Mercedes: 110 pikë
3. Red Bull: 55 pikë
4. McLaren: 36 pikë
5. Renault: 35 pikë