Haradinaj: Liberalizimi i vizave gjatë këtij viti

Kryeministri i Kosovës, Ramush Haradinaj beson se deri në fund të këtij viti Kosova fiton liberalizimin e vizave, do të mund të aplikojë për statusin e vendit kandidat në Bashkimin Evropian dhe transformimin e Forcës se Sigurisë se Kosovës në ushtri. Po ashtu ai ka thënë, se po punojnë çdo ditë për fuqizimin e sundimit të ligjit dhe zhvillimin ekonomik, transmeton REL. 

Në konferencën “ Dekada e ardhshme e Kosovës” kryeministri Haradinaj,është shprehur se “dekada jonë e dytë duhet të na gjejë të integruar në Bashkimin Evropian, të anëtarësuar në NATO, pjesë e OKB-së, me proces të përmbyllur me Serbinë, dhe për këto konsensusi politik është i domosdoshëm” ka thënë ai.