Bekteshi nënshkroi marrëveshje në vlerë prej 7.3 milion euro për eksplorim të detajuar gjeologjik në Prilep dhe Dollnen

“Sot kam kënaqësinë e veçantë, që këtu në Dollnen të prezantoj investimin më të ri nga kompania maqedono-turke “Volostone” nga Shkupi, e cila pas publikimit të thirrjes publike të zbatuar përmes  ankandit elektronik, ofroi shumën më të lartë të mjeteve, apo 448.570.000 denarë ose 7.3 milion euro, me çrast Qeveria e Republikës së Maqedonisë miratoi vendimin për dhënien e koncesionit për hulumtime të detajuara gjeologjike në ceremoninë me rastin e nënshkrimit të marrëveshjes më përfaqësuesin e “Volostone”-Shkup ,Abdylmutalip Bushi.

Marrëveshja e koncesionit për eksplorimin e detajuar gjeologjik të mermerit mineral, që u nënshkrua sot, është për lokalitetin e Samarnicës, e cila shtrihet në  territoret e dy komunave – Dollnenit dhe Prilepit.

“Ky investim i ri do të sigurojë përfitim të posaçëm për të dy komunat, të cilat do të kenë mundësi të realizojnë projekte të reja dhe zhvillim ekonomik. Procedura për dhënien e koncesioneve, do të bëhet vetëm përmes sistemit elektronik E-koncesionet ndërsa ndarja e kompnezimit të koncesionit është në favor të komunave, gjegjësisht 78% shkon në buxhetin komunal, dhe 22% në arkën e shtetit “, tha Bekteshi, duke shtuar se në komunën e Dollnenit tashmë janë transferuar 227. 424. 990 denarë ose  3.7 milion euro nga kompenzimi i koncesionit, ndërsa në buxhetin e komunës së Prilepit, në bazë të zonës së mbuluar me koncesion, si kompenzim tashmë janë paguar 122. 459. 610 denarë, ose rreth 2 milion euro.

Në emër të investitorit “Volostone”, z. Bushi falënderoi Qeverinë dhe Ministrin Bekteshi dhe vuri në dukje se sipas planit të kompanisë, në periudhën e parë do të hapen 100 vende pune dhe sapo të fillojë lokacioni me punë,planifikohet një investim shtesë prej 22 milionë euro për të ndërtuar fabrikë dhe objekte ndihmëse shtesë, e cila do të rrisë numrin e punësimeve në 500,ndërsa tregu tashmë është siguruar në Kinë, Indonezi, Malajzi dhe Kore, ndërsa qëllimi i ardhshëm i kompanisë është tregu amerikan.

Kryetari i komunës së Prilepit Ilija Jovanovski, theksoi se bëhet fjalë për një investim të rëndësishëm nga i cili komuna e Prilepit do të ketë mjaft përfitime dhe do të mundësojë zbatimin normal të projekteve të planifikuara, ndërsa sipas kryetarit të komunës së Dollnenit Xhemil Qamili ky investim vjen në kohën e duhur për shkak se komuna përballet me borxhe të mëdha të qeverisë së mëparshme, dhe në radhë të parë do të sigurojë mbulimin e borxheve, zbatimin e projekteve zhvillimore dhe rregullimin e vendbanimeve që kanë probleme me ujin dhe kanalizimin.

 Ministri Bekteshi theksoi se me këtë nvestim edhe komuna e Dollnenit dhe ajo e Prilepit do të kenë një mundësi të madhe për të promovuar zhvillimin lokal, për të investuar në projekte të reja për banorët e tyre, duke mundësuar kështu përmirësimin e cilësisë së jetës së banorëve të tyre, që është dhe përcaktimi kryesor i Qeveri dhe Ministrisë së Ekonomisë.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP