Raporti gjashtëmujor i punës së PSP-së nuk u shqyrtua sot në Kuvend
Edhe pse u paralajmërua për sot, raporti gjashtëmujor i punës së Prokurorisë Speciale Publike nuk u shqyrtua në Komisionin Parlamentar për Sistem politik dhe Marrëdhënie mes Bashkësive, për shkak të moskoordinimit të partive politike dhe me kërkesë të deputetëve të VMRO-DPMNE-së, njofton Portalb.mk.
Shqyrtimi i raportit të PSP-së është shtyrë për të mërkurën për shkak të mungesës së përfaqësuesve të komisioneve shtetërore që duhet t’i shqyrtojnë raportet për punën e tyre gjatë vitit 2017.
