Nëntëdhjetëvjeçarja belge dënohet me burg për fshehje tatimi!

Një nëntëdhjetëvjeçare belge, është dënuar me 16 muaj burg me akuzën për fshehje të tatimit, raporton Anadolu Agency (AA).

Në procedurën gjyqësore e cila u mbajt në qytetin Gent të Belgjikës, krahas së moshuarës së lartpërmendur është dënuar edhe i biri i saj.

Gjashtë muajt e parë, e dënuara do t’i kalojë në burg, ndërsa pjesën e mbetur në burg shtëpiak, por do të duhet të paguaj një gjobë prej 600 mijë euro.

Sipas vendimit, kjo shtetase belge nuk ka mundur t’u dëshmojë inspektorëve tatimorë prejardhjen e të ardhurave në vlerë prej 12.3 miliona euro.

I biri i saj është dënuar me tetë muaj burg dhe me një gjobë prej 240 mijë euro.