Dalin shënimet e ish-drejtorit të FBI-së Comey për Trumpin
Shënimet që ish-drejtori i FBI-së, James Comey mbajti pas disa takimeve vitin e kaluar me Presidentin Donald Trump, dolën në media pasi u lëshuan nga Departamenti i Drejtësisë, njofton Zër i Amerikës.
Comey tha se i kishte shkruar dokumentet pak pas bisedave me presidentin sepse nuk kishte pasur ndjesi të mirë nga takimetendjehej mir me takimet e tij me udhëheqësin amerikan.
Në shënimet e tij, Comey shkruante se presidenti ishte i shqetësuar lidhur me pretendimet se ai kishte bashkëpunuar me Rusinë për ta ndihmuar të fitonte zgjedhjet presidenciale dhe se mund të kishte video të Trump me prostituta ruse.
Trump e shkarkoi Comey në maj ndërsa kreu i FBI-së po drejtonte një hetim për akuzat për ndërhyrje ruse në zgjedhjet presidenciale dhe bashkëpunim të mundshëm mes zyrtarëve të fushatës së Trump dhe rusëve.
Presidenti Trump sulmoi Comey në Twitter të enjten në mbrëmje, duke thënë se “shënimet e James Comey-t sapo dolën dhe tregojnë qartë se nuk kishte BASHKËPUNIM dhe JO PENGIM TË DREJTËSISË”. Trump akuzoi gjithashtu Comey se kishin nxjerrë informacion sekret.
Rusia ka mohuar çdo ndërhyrje në zgjedhjet presidenciale amerikane.
