Televizioni sirian raporton për sulme me raketa në Homs

Televizioni shtetëror i Sirisë tha se mbrojtja ajrore e këtij vendi ka goditur disa rekata që kanë pasur në shënjestër bazën ajrore Shajrat.

Raporti nuk tregoi se kush mund t’i ketë hedhur raketat mbi rajonin Homs, por e cilësoi aktin si “agresion”, transmeton REL.

Reuters citoi zëdhënësin e Pentagonit, Eric Pahon, të ketë thënë se “aktualisht nuk ka aktivitet ushtarak të SHBA-së në atë zonë”.

“Nuk kemi detaje shtesë për të ofruar”, tha Pahon.

Shtetet e Bashkuara, Britania dhe Franca kanë hedhur mbi 100 raketa në Siri, më 14 prill, duke goditur tre objekte të armëve kimike.

Operacioni u krye në përgjigje të sulmit të dyshuar kimik, që ka ndodhur më 7 prill në qytetin Duma dhe që dyshohet se është kryer nga forcat qeveritare siriane.

Dhjetëra persona besohet se janë vrarë në këtë sulm.

SHBA, vitin e kaluar, ka sulmuar bazën ajrore Shajrat, në përgjigje të një tjetër sulmi kimik në qytetin Khan Sheikhun.

Siria e ka mohuar përgjegjësinë për këtë sulm, i cili ka lënë të vrarë së paku 80 njerëz.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP