Juventus, titulli në “xhep”

Tifozët e Juventusit mund të bëjnë llogari sa të duan, por avantazhi i formacionit të trajnerit Allegri tregon se po vendoset vërtet hipotekimi në titullin e shtatë radhazi.

Që kur Seria A vendosi në vitin 1994 rregullin e fitores së vlefshme me 3 pikë, në thuajse të gjitha rastet, skuadra që ka kryesuar me 6 pikë në këtë pikë të kampionatit, ka arritur të fitojë titullin, transmeton TCH.

Në 23 sezone të Serisë A, vetëm në 3 raste skuadra kryesuese nuk mori fronin, kjo duke përjashtuar kampionatin e vendosur për shkak të skandalit të trukimeve. Juventusi ecën i qetë drejt rikonfirmimit, pasi duket se vetëm një tragjedi mund t’ia kalojë kampionatin Napolit.

Përmbysje të bujshme kanë ndodhur në 1998-1999, kur Lazio u parakalua nga Milani, në vitin pasues ishte Lacio që parakaloi Juventusin dhe në 2001-2002, Interi u parakalua nga Juve e madje dhe nga Roma.

“Zonja e Vjetër” marshon e sigurtë, pasi do të duhet të shpërdorojë disa ndeshje që të humbë vendin e parë. Ai që shuan zjarrin te tifozët e Napolit është dueli direkt të dielën e ardhshme në Torino. Por, nëse torinezët arrijnë të fitojnë, mund të festojnë titullin në San Siro, kundër atij që konsiderohet historikisht rivali numër 1 në Itali, Interi.

Kalendari i kësaj mesjave paraqet pengesa të kalueshme, si për Napolin, ashtu edhe për Juven.

Duke hipotizuar dy suksese, Juve do të shkonte në +9 pikë nëse fiton duelin direkt, e kështu matematika i jep leje të festojë në tempullin e zikaltërve.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP