Greva e punonjësve të Air France do të vazhdojë

 Kompania ajrore franceze Air France ka njoftuar se ditën nesërme 45 për qind e fluturimeve të saj me distancë të gjatë do të anulohen për shkak të grevës, transmeton Anadolu Agency (AA).

Në një deklaratë me shkrim nga stafi menaxhues i Air France pasi rikujtohet se drejtuesit e sindikatës kanë vendosur për zhvillimin e një greve për ditën e nesërme dhe të mërkurën, thuhet se “Do të anulohen 45 për qind e fluturimeve të gjata, 35 për qind e fluturimeve që dalin nga Parisi dhe distancë të mesme si dhe 20 për qind e fluturimeve të brendshme”.

Ndër të tjera në deklaratën ku bëhet e ditur se presin që të ulet masa e pjesëmarrjes në grevë, paralajmërohet se mund të ketë parregullsira dhe vonesa në fluturimet që do të zhvillohen.

Pilotet, punonjësit e kabinës dhe të shërbimit në tokë të Air France të cilët janë anëtarë të 11 sindikatave vazhdojnë grevën e tyre për përmirësimin e kushteve të punës dhe kërkesën rritjen e pagave me 6 për qind. Ata kanë zhvilluar greva me 22 shkurt, 23 dhe 30 mars si dhe me 3, 7, 10 dhe 11 prill.

Përfaqësuesit e sindikatave pasi nuk kanë arritur rezultate në bisedimet që kanë kryer të premten me drejtuesit e kompanisë kanë theksuar se do të vazhdojnë grevën e tyre ditën e nesërme dhe të mërkurën si dhe me 23 dhe 24 prill.

Drejtuesit e Air France kanë deklaruar se greva 7 ditore i ka kushtuar kompanisë një dëm prej 170 milionë euro.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP