Pagjumësia përshpejton paraqitjen e sëmundjes Alzheimer

Pagjumësia rrit rrezikun e zhvillimit të sëmundjes Alzheimer, janë këto rezultatet e hulumtimit më të ri.

Vetëm një natë pa fjetur ndikon në akumulimin e proteinave që lidhen me këtë sëmundje të rëndë, transmeton Koha.net.

Në studim, i cili i përfshiu 20 njerëz, u konfirmua se një natë pa gjumë e rrit nivelin e proteinës beta-amiloide në një pjesë të trurit me rreth pesë për qind, shkruan Daily Mail.

Njerëzit me humbje të lehtë të kujtesës kanë 21 për qind më shumë beta-amiloide në trurin e tyre se sa të rriturit e shëndetshëm më të vjetër, ndërsa ata me diagnozën e sëmundjes Alzheimer kanë 43 për qind më shumë proteinë të tillë, transmeton Koha.net.

Megjithëse studimet e mëparshme kanë treguar ndryshime të ngjashme në trurin e minjve, kjo është hera e parë që ndryshimet e Alzheimerit në tru janë lidhur me pagjumësi.

Fjetja është thelbësore për pastrimin e beta-amiloideve të cilat formojnë kokrra në tru dhe i bllokojnë kanalet e rëndësishme të kujtesës.

Udhëheqësi i projektit hulumtues dr. Ehsan Shokri-Kojori nga Instituti Kombëtar i Shëndetësisë në Marryland në Shtetet e Bashkuara tha se shpesh ndryshimet në tru tek kafshët nuk mund të replikohen tek njerëzit.

“Shprehitë e këqija të gjumit e rrisin rrezikun nga sëmundja Alzheimer. Rritja e proteinës beta amiloid në tru tek njerëzit për shkak të mungesës së gjumit është proces i dëmshëm”, tha ai.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP