SHBA feston çeljen e qershisë me manifestime të shumta (VIDEO)

Në kryeqytetin e Shteteve të Bashkuara të Amerikës, Washington, po mbahet festivali tradicional i lules së qershisë, ku janë organizuar një sërë manifestimesh, raporton Anadolu Agency (AA).

Të pranishmit kanë mundur të shohin tullumbacet gjigante me figurat e heronjve të filmave të animuar të cilat i mbanin pjesëmarrësit e kolonës së parakaluesve, ndërkohën për nder të festivalit u mbajt edhe një paradë nga anëtarët e organizatave joqeveritare, ndërsa për argëtimin e të pranishmëve u përkujdesën disa orkestra të angazhuara.

Çdo mars dhe prill, qindra mijëra njerëz dynden në Washington për të parë lulëzimin e qershive, për çka që nga viti 1935 organizohet festivali i lartpërmendur me qëllim të afrimit të njerëzve në periudhën më të mirë të vitit, të cilës padyshim i kontribuon edhe lulëzimi i qershive.

Në festivalin në fjalë, hapësirë e veçantë i kushtohet prezantimit të kulturës japoneze, vendi nga ku kjo qershi ka mbërritur në SHBA.

Qershia japoneze (Prunus serrulata), të cilën në Japoni e quajnë sekura, është simbol kombëtar i atij vendi.

Japonia në vitin 1910, intensifikoi raportet diplomatike me SHBA-të, ndërsa në vitin 1912, Tokio u vëllazërua me Washingtonin, ku në shenjë të vullnetit të mirë dhe miqësisë, u dhuruan amerikanëve disa pemë qershie të cilat atëherë u mbollën në parkun rreth liqenit Tidal në Washington.

Me kohë, pemët e qershisë u përhapën edhe në pjesë tjera të qytetit, ndërsa nga viti 1930, llogariten ndër simbolet kryesore të qytetit.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP