Ambasadorja britanike: Britania nuk është e përfshirë në sulmin kimik
Ambasadorja britanike në Kombet e Bashkuara, Karen Pierce tha sot se Britania nuk ishte e përfshirë në sulmin e dyshuar kimik në Siri, duke hedhur poshtë akuzat e Ministrisë ruse të Mbrojtjes.
“Është një gënjeshtër groteske, e plotë, është lajmi më i keq i rremë që kemi parë ndonjëherë nga makineritë propagandistike ruse”, u tha gazetarëve Pierce.
Rusia sot e ka akuzuar Britaninë e Madhe se është e përfshirë në sulmin me armë kimike në Duma të Sirisë.