Shefi i OKB-së: Lufta e Ftohtë është kthyer

Sekretari i përgjithshëm i Kombeve të Bashkuara, Antonio Guterres, tha se Lufta e Ftohtë “është kthyer me hak”.

Duke folur në Këshillin e Sigurimit të Kombeve të Bashkuara, Guterres paralajmëroi edhe për rrezikun e përshkallëzimit të situatës në Siri.

Shtetet e Bashkuara dhe aleatët e tyre janë duke shqyrtuar mundësinë e sulmeve ajrore në Siri, pas një sulmi të dyshuar kimik në qytetin Duma.

Dhjetëra njerëz kanë humbur jetën nga sulmi i 7 prillit në zonën e kontrolluar nga rebelët.

Rusia, e cila ka trupa në Siri, tha se Britania e ka falsifikuar sulmin, transmeton REL.

Britania tha se akuza është një “gënjeshtër groteske”.

Rusia po ashtu paralajmëroi se sulmet ajrore të Perëndimit në Siri do të rrezikonin luftën midis dy palëve.

“Lufta e Ftohtë është kthyer me hak, por me një ndryshim”, tha shefi i OKB-së.

“Mekanizmat dhe masat mbrojtëse për të menaxhuar rreziqet e përshkallëzimit, që kanë ekzistuar në të kaluarën, nuk duken më të pranishme”, tha Guterres.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP