Shtëpia e Bardhë: Trump beson se mund ta shkarkojë Muellerin

Shtëpia e Bardhë ka thënë se presidenti amerikan, Donald Trump beson se ka fuqinë ta shkarkojë këshilltarin e posaçëm, Robert Mueller.

“Ai beson se ka fuqinë që ta bëjë një gjë të tillë”, ka thënë zëdhënësja e Shtëpisë së Bardhë, Sara Sanders, gjatë një konference për media më 10 prill, transmeton REL.

Sanders ka thënë se presidenti Trump beson se hetimi i Mueller për marrëdhëniet mes fushatës së tij presidenciale dhe Rusisë “kanë shkuar shumë larg”, pasi agjentët federalë kanë bastisur zyret e avokatit personal të presidentit, Micheal Cohen më 9 prill.

“Do ta shohim se çfarë do të ndodhë”, kishte thënë Trump kur ishte pyetur nëse ai do ta shkarkojë Muellerin.

Presidenti Trump, duke folur me gazetarët më 9 prill, ka akuzuar FBI-së për bastisjen në zyren e avokatit të tij dhe ka akuzuar këshilltarin Mueller se po bën “gjueti shtrigash”.

Këto komente të Trumpit kanë rikthyer edhe njëherë dyshimet se ai mund të provojë ta shkarkojë Muellerin, i cili ka marrë postin e këshilltarit të posaçëm para një viti, pasi Trump kishte shkarkuar drejtorin e FBI-së, James Comey, i cili në atë kohë ishte duke udhëhequr hetimet mbi çështjen ruse.

Sipas rregulloreve të Departametit të Drejtësisë, vetëm zëvendësprokurori i Përgjithshëm, Rod Rosenstein, i cili mbikëqyr hetimin e Rusisë, mund ta shkarkojë Muellerin.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP