Hungari, fitorja e pritshme – Orban me mandat të katërt

Kryetari i qeverisë hungareze, Viktor Orban, kritik ndaj BE-së dhe partia Fidesz nacionale e djathtë ka arritur fitore të thellë në zgjedhjet parlamentare në Hungari. Sipas llogaritjeve aktuale, partia e tij fitoi 48,5% të votave. Me këtë Fidesz mund të arrijë dy të tretat e kërkuara për të bërë madje edhe ndryshime kushtetuese. Ndërsa partia ekstremiste e djathtë, Jobbik ka fituar sipas llogaritjeve të fundit rreth 20% të votave. Lista e majtë, MSZP-P ka arritur vetëm 12%. Krerët e këtyre partive të majta pas dështimit në zgjedhje bënë të ditur dorëheqjen, njofton DW.

Ungarn Wahlen Viktor Orban Wahlsieg Jubel (Reuters/B. Szabo)

Orban: Fitore historike

Në votime ka pasur një pjesëmarrje të lartë, rreth 70% e votuesve. Pas përfundimit të votimeve e rezultateve të para, Viktor Orban doli para përkrahësve të tij duke bërë fjalë për “një fitore historike.” Ky rezultat u jep njerëzve mundësinë të “vetëmbrohen dhe të mbrojnë Hungarinë”, tha ai. Fitorja e Viktor Orban do të thotë mandati i katërt për kryeministrin hungarez. Nga viti 2010 Orban e drejton vendin drejt një kursi konfrontimi me BE. Pikat kryesore të grindjes janë politika e azilit, kufizimi i lirisë së mediave, pavarësia e drejtësisë dhe të drejtat qytetare si edhe keqpërdorimi i fondeve të BE. Orban e bojkotoi vendimin e BE-së për të pranuar emigrantët në bazë të kuotave.

Ungarn Wahlen Orban Anhänger Wahlsieg Jubel (Getty Images/AFP/A. Kisbenedek)

Në fushatën elektorale, Viktor Orban bëri një politikë kundër migrantëve duke e kthyer atë në temë qendrore. Sipas tij BE, OKB, dhe miliarderi Soros ndjekin një plan për të futur dhjetëra mijëra emigrantë në Hungari e për ta bërë atë vend imigrimi. Vetëm nëse ai qeveris më tej, kjo mund të ndalet, ashtu si edhe islamizimi i Europës. Opozita e  akuzon kryeministrin Orban për minim të demokracisë dhe shpërndarje të burimeve të BE tek oligarkët e afërt me të.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP