LUGINA E BLERIMIT

Në këtë qiell të humbur në këtë qiell

Pushojnë pulëbardhat e një bote të qetë

Nga e cila dalin ylbere.

Nën këtë qiell, të këtij vendi, nëpër këta ujëra

Rrjedh jeta e bardhë, gjithçka është bardh:

Fletë të bardha, lule të bardha, qiell i bardhë.

Dhe, etërit faqebardhë.

Më lejoni të them dritë e ujë kristal

Dhe unë plot gaz

emrin tim nga pishat e thërras,

Ujin e gurrës sime të shullëreve të rritës sonë.

Ecim me rreze me drita kah rrita,

Kah njerëzia dhe hapi ynë i madh

Dhe në zemrat tona e kemi mbjellë bardhësinë.

Shikoni si rriten gruri, misri, thekra

Si piqet buka e bardhë

E si gjelbëron bari skaj rrugëve –

Gjithandej është gjelbër e bardhë.

Dhe mbi të gjitha gjuha jonë shqipe – e bardhë.

 

Poezi nga Asllan SELMANI
Zgjodhi Xhabir AHMETI

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP