35-vjetori i karrierës, Kastriot Tusha mbledh artistët më të mirë në koncert

Kastriot Tusha do të mbledhë artistët më të mirë shqiptarë në një koncert për 35-vjetorin e karrierës së tij.

Tenori i shquar deklaroi në studion e “Pasdite në Top Channel” se në shfaqjen e 14 prillit do të ketë në krah Irma Libohovën dhe Shkurte Fejzën, ndërkohë që moderatore do të jetë Ema Andrea.

“Kam gjetur mbështetje nga të gjithë miqtë e dashamirësit. Koncerti do të mbahet në sallën e Katedrales Ortodokse. Ka komoditet aty, edhe pse jo shumë vende. Shpresoj që publiku ta pëlqejë shfaqjen sepse interesimi ka qenë i madh. Kam bërë përzgjedhje të repertorit tim me këngë popullore, qytetare dhe serenata”, u shpreh Tusha.

“Shumë nga repertori i koncertit ka këngë që i kanë kënduar artistët tanë të mrekullueshëm. Dua t’i rikthehemi traditës”, shtoi tenori.

Biletat e koncertit të Kastriot Tushës gjenden në myticket.com dhe në Akademinë e Arteve.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP