Teodorakis: Erdogan ka kërkuar nga Zaevi që të ndërtojë bazë ushtarake në Maqedoni

Lideri i partisë greke “Reka”, Stavros Teodorakis, në emisionin “Tani”, në greqisht “Skaj”, deklaroi se presidenti i Turqisë, Taip Erdogan i ka kërkuar kryeministrit të Maqedonisë Zoran Zaev, që Turqia të hapë bazë ushtarake, si kundër shërbim për mbështetjen dhe ndihmën që do t’ia jepte Maqedonisë, transmeton mediumi grek i djathtë “Elefterostipos”, njofton Portab.mk.

Edhe  Greqia edhe Turqia janë anëtare në NATO, por vazhdimisht janë në përballje rreth kufirit detar në Egjej dhe për çështjen e Qipros.

“A do të lejojmë që të formohet bazë ushtarake turke në kufirin tonë verior dhe aq afër Selanikut?”, ka pyetur Teodorakis, partia e të cilit ka gjashtë deputetë në Parlament dhe dy në Europarlament.

Teodorakis këtë e ka thënë në kontekst të bisedimeve për emrin dhe si mbështetje të angazhimit se problemi duhet sa më shpejtë të zgjidhet.

Ai ka  pasur takim me kryeministrin Aleksis Xipras, me të cilin ka biseduar për nevojën e formimit të Këshillit për Siguri Nacionale.

Lajme të ngjashme

Leave a Reply

Your email address will not be published. Required fields are marked *

Back to top button