Ish-presidenti francez Sarkozy akuzohet për financim të paligjshëm të fushatës

Gjykatësit francezë kanë ngritur aktakuzë nga ish-presidentit Nicolas Sarkozy për korrupsion dhe financim të paligjshëm të fushatës, në lidhje me dyshimet se ai ka marrë fonde nga diktatori i ndjerë libian, Muammar Qaddafi për fushatën e tij më 2007, kanë thënë zyrtarët, transmeton REL.

Akuzat vijnë pasi Sarkozy për dy ditë është marrë në pyetje nga policia anti-korrupsion në Nanterre, në veriperëndim të Parisit. Gjyqtarët hetues janë duke hetuar mbi dyshimet se regjimi i Qaddafit në mënyrë të fshehur i ka dhënë Sarkozyt 50 milionë euro për fushatë.

Kjo shumë është dyfishi i shumës së lejuar për financim të fushatës në Francë.

Sarkozy, 63-vjeç, ishte president i Francës nga vitit 2007 deri më 2012.

Ai vazhdimisht ka mohuar këto akuza.

Lajme të ngjashme

Leave a Reply

Your email address will not be published. Required fields are marked *

Back to top button