Aksident trafiku në Strugë, pesë persona me lëndime të lehta

Në orët e para të mëngjesit raportohet se makina ”Golf”, me të cilën udhëtonin pesë maturantët shqiptar, të shkollës së mesme komunale ”Niko Nestor”, është përplasur me një makinë të një kompanie private taksie, fatmirësisht pa pasoja të rënda.

Pas aksidentit, në vendngjarje kanë dalur edhe organet kompetente, të policisë, nga ku informohemi, se të aksidentuarit nga kjo përplasje kanë kaluar vetëm me lëndime të lehta, për të cilat janë trajtuar në Spitalin e qytetit.

Pesë maturantët nga fshatrat e Strugës, në momentin që u aksidentuan rreth orës katër të mëngjesit kishin mbaruar së festuari mbrëmjen e maturës, dhe ishin nisur me makinë në drejtim të shtëpive të tyre. /Portalb