Diplomatët e dëbuar rusë ikin nga Britania
Diplomatë rusë dhe familjarë të tyre kanë ikur nga Mbretëria e Bashkuar, e cila i ka dëbuar për shkak të helmimit të një ish-spiuni rus në qytetin Sallsbëri të Anglisë, më 4 mars, transmeton REL.
Makinat diplomatike i kanë bartur ata nga ambasada në Londër për në aeroportin Stansted.
Mbretëria e Bashkuar ka dëbuar 23 diplomatë rusë pasi kryeministrja britanike, Theresa May, ka thënë se Rusia është “fajtore” për helmimin e Sergei Skripalit dhe të vajzës së tij.
Moska ka mohuar përfshirjen dhe ka dëbuar 23 diplomatë britanikë në përgjigje të saj.
Diplomatët e Britanisë së Madhe kanë kohë deri të shtunën të largohen nga Rusia.
