Greqi, udhëheq Demokracia e Re
Rezulatet dalë nga sondazhet parapreke në Greqi, pas mbylljes së kutive të votimit, tregojnë fituese të zgjedhjeve parlamentare Demokracinë e Re e cila duket se kryeson garën elektorale me një rezultat mjaft të ngushtë nga radikalët e majtë të Syriza-s.
Exit-Polls tregojnë se 27.5 % deri në 30.5 % të votave u shkojnë të djathtëve të Demokracia e Re, ndërsa me një diferencë të ngushtë pak më prapa ndodhet Syriza me 27% deri 30% të votave.
Vetëm në vendin e tretë është PASOK-u me 10%-12% të votave të grekëve, një shifër zhgënjyese kjo për partinë e Venizellos.
Tashmë skenaret janë të shumtë se kush do të udhëheqë Greqinë në një nga momentet më të vështira ekonomike të saj me dilemën e qëndrimit në Euro apo jo. Por duket se nga të dhënat parapake askush nga formacionet politike nuk krijon dot qeverinë e vetme.
Qendrat e votimit u hapën që prej orës shtatë të mëngjesit.
Dy partitë kryesore sipas sondazheve, radikalët e majtë të “Syriza” dhe “Demokracia e Re” ashtu siç parashikohej janë shumë pranë në preferenca.
Sipas “Syriza”-s, refuzimi i paketës së BE-së për shpëtimin e vendit dhe rrjedhimisht edhe kalimi në dhrahmi është rruga e duhur për rikthimin e begatisë në vend.
Demokracia e Re e Samaras, fituese në zgjedhjet e majit që nuk arritën të prodhonin një qeveri pasi asnjë parti nuk arriti të krijonte një koalicion të shumicës, këmbëngul në qëndrimin në rrugën e parashtruar në bisedimet me BE-në, për të marrë këstet e ardhshme të kredisë, për të cilën mund të kërkohet negocim për lehtësimin e kushteve.
Socialistët e “Pasok” duket se do të regjistrojnë rezultatin më të dobët historik, duke paguar kështu koston e dy viteve të fundit të qeverisjes, periudhë gjatë së cilës vendi u përfshi nga kriza e thellë.