Marrja e kompetencave nga MASH-i, veprim sa politik po aq nënçmues!

Mehdi Memeti

Në këtë kontekst, vendimi i MASH-it, për të shfuqizuar dhe poshtëruar skajshmërisht kryetarët e komunave opozitare, për t`ua  kufizuar  mandatet e tyre, është një veprim sa politik po aq edhe nënçmues, së paku kështu vlerësohet në opinionin e gjerë. Duke e bindur veten se marrja e kompetencave të arsimit për 9 muaj, kryetarëve të komunave, demonstrojnë forcë qendrore politike, duke e vërtetuar skajshmërish papjekurinë politike.

Vlerësojmë se nuk ishte e nevojshme të ndodhë një gjë e tillë, për arsye se ngushtohet veprimtaria e vetëqeverisjes lokale. Në vend që tu zgjerohen kompetencat komunave, fatkeqësisht ndodhë e kundërta, po ua ngushtojnë ingirencat, që nuk është në interes të “demokracisë” dhe të vendit.

Ky veprim nga MASHI-i, kuptohet me përkrahje nga qeveria ,respektivisht MASHI-i, sjell dëshpërim tek qytetarët, respektivisht votuesit që kanë votuar në zgjedhjet komunale. Po të kishte shkelje ligjire, siç thuhet nga MASH-i, le të merren masat sanksionuese  sipas ligjit ndaj kryetarit të komunës, por jo edhe  kompetencat për arsim. Kjo është një ide vërtet e rrezikshme që po na ndodhë jo vetëm tani, por në vazhdimësi, për këta plot 27 vite . Këto veprime të gjertanishme politike me marrje të kompetencave, kryetarëve të komunave, veçanërisht të arsimit, vërtetë është bërë “demode”, kaç e fug-vine e hiç-, hiç  kët – vine at , jo rastësisht, kemi rrënjë të procesit mësimor, demoralizim të skajshëm të punonjësve arsimor, prindërve, nxënësve, etj.

Ky është një lajm i keq për arsimin në Maqedoni ,në veçanti për shqiptarët. Veçanërisht, në momentet kur tentohet drejt reformave, me projekte nga më të ndryshmet evropiane. Është gjithashtu një lajm i keq edhe për ndërkombëtarët?

Kuptohet, vështirësitë e mbetjes në pushtet të BDI-së, e bëjnë të vetën, pavarësisht asaj se thirren në frymën e demokracisë, duke harruar vullnetin e popullit  që shprehet përmes zgjedhjeve të lira dhe të ndershme. Sa janë të ndershme? Ngelet një temë dhe dilemë e madhe…

Njëherë e përgjithmonë duhet kuptuar politikanët tanë se: Pushteti”, nuk mund të bëhet pronë private, por ngelet vakëf, vetëm me qira. Pushteti ,duhet të jetë gjithmonë i kufizuar duke luajtur rolin e rëndësishëm për kuptimin e një demokracie liberale. Përjetojmë vërtetë një kohë, ku mosbesimi ndaj politikanëve është i lartë, të një establishmenti politik të korruptuar, që dalëngadalë po vihet në pikëpyetje?

Përfundojmë: Se përpjekja e BDI-së, për ta ushtruar pushtetin edhe më tutje, që është  më se e saktë, por, kuptohet pa efektin e duhur, sepse fuqia nuk matet me forcë, por me padurimin e të tjerëve. Kjo i ngjan një sistemi Stalinist, sa imponuese po edhe aq çnjerëzore, kështu së paku konstatojnë edhe ekspertë, opinion bërës, analistë si brenda edhe jashtë vendit.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP