Britania vendos për deportimin e 23 diplomatëve rusë

Kryeministrja britanike, Theresa May, njoftoi se Britania ka marrë vendimin për deportimin e 23 diplomatëve rusë në vazhdën e tensioneve me Rusinë për shkak të “tentativës për vrasjen” e ish-agjentit të dyfishtë Sergey Skripal, transmeton Anadolu Agency (AA).

“Ata kanë një javë për t’u larguar nga Britania”, tha May në një deklaratë në Dhomën e Ulët të Parlamentit Britanik.

May deklaroi se Rusia është “fajtore” për incidentin që ndodhi në Salisbury të Anglisë më 4 mars.

Rusia humbi afatin deri të martën në mesnatë nga Londra për të shpjeguar se si në sulm është përdorur një lloj i caktuar i agjentit nervor ushtarak.

Sergey Skripal, 66 vjeç dhe vajza e tij Julia, 33 vjeçe, u pranuan në një spital pasi u gjendën pa vetëdije në qytetin jugor të Anglisë, Salisbury.

“Skripal dhe vajza e tij u helmuan me një agjent nervor ushtarak të tipit të zhvilluar nga Rusia, veçanërisht nga grupi Novichok”, tha May të hënën.

Incidenti ka shkaktuar krahasime me vdekjen e ish-agjentit të KGB-së Aleksander Litvinenko në vitin 2006, pasi piu çaj me përbërës radioaktiv. Ish-truprojat e KGB-së të identifikuar si të dyshuar në vrasje kishin mohuar përfshirjen.

Skripal kishte fituar strehim në Mbretërinë e Bashkuar pas një shkëmbimi agjentësh në vitin 2010 midis SHBA-ve dhe Rusisë. Para shkëmbimit, ai po vuante 13 vjet burgim për përçim informacionesh inteligjencës britanike.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP