Llavrov: Shpresoj se SHBA-ja nuk do t’i zbatojë planet e papërgjegjshme në Siri

Rusia i bëri vërejtje të ashpër SHBA-së lidhur me paralajmërimet për sulme të mundshme ndaj forcave qeveritare siriane nga ana e koalicionit ndërkombëtar të kryesuar nga Uashingtoni, deklaroi sot ministri rus i Punëve të Jashtme, Sergej Llavrov.

Ai theksoi se Rusia e ka paralajmëruar SHBA-në përmes disa kanaleve dhe shfqai shpresë se “planet e tilla të papërgjegjshme” nuk do të realizohen.

“I shqyrtojmë aktivitetet e SHBA-së në Siri dhe para së gjithash në bregun lindor të Eufratit dhe në tërë Sirinë lindore, ku amerikanët në të vërtetë krijojnë baza ushtarake. Jam i bindur se nuk ka bazë për dyshim në qëllimet, e së paku të disa përfaqësuesve të SHBA-së, të mbeten atje gjatë kohë, nëse jo edhe përfundimisht dhe ta ndihmojnë shpërbërjen e Republikës arabe siriane”, tha Llavrov.

Deklarata e Llavrovit paraqet reagim ndaj paralajmërimit të ambasadores së SHBA-së në Kombet e Bashkuara, Niki Hejli se nëse Këshilli i Sigurimit i KB-së nuk arrin të veprojë në Siri, Uashingtoni do të jetë i gatshëm për të kryer sulme ndaj ndonjë baze siriane.

“Kjo nuk është rruga që e preferojmë, por ajo është rruga për të cilën treguam se do ta kalojmë dhe jemi të gatshëm të nisemi sërish”, theksoi Hejli të hënën në Këshillin e Sigurimit të KB-së.

Paralajmërimi i Hejlit erdhi pasi që SHBA-ja kërkoi nga Këshilli i Sigurimit të insistojë për ndërprerje urgjente 30-ditëshe të zjarrit në Damask dhe Gutën Lindore në Siri.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP