Me qen dhe ulur në tokë, qytetarët shprehen kundër miratimit të ligjit të gjuhëve (VIDEO)

Qytetarë të moshës madhore dhe me qen në duar sot protestuan para Kuvendit të Maqedonisë për ligjin për përdorimin e gjuhëve për të cilin diskutohet sot në seancë plenare, raporton Portalb.mk.

Të lodhur nga “revolta” disa mujore për ligjin për përdorimin e gjuhëve në Maqedoni, qytetarë të shumta shiheshin të ulur në trotuaret para Kuvendit të Maqedonisë. Të paktë ishin ata të cilët i përkisnin moshës rinore.

Si në protestat e kaluara, edhe sot u kërkua që “të mos miratohet ligji për përdorimin e gjuhëve”, sepse, sipas protestuesve “ai është në kundërshtim me Kushtetutën e Maqedonisë dhe do ta cenonte identitetin e shtetit të Maqedonisë”.

Nga protestuesit u bë thirrje që “Maqedonia të mos dëgjojë urdhrat e të tjerëve, por të punojë për interesa të tyre, sepse ata nuk duan që fëmijët e tyre të bëhen shërbëtorë të të huajve”, thanë protestuesit.

Nga protestuesit u kërkua që “në mbrojtje të Maqedonisë dhe unitaritetit të saj të dalin edhe mërgimtarët në Evropë, Amerikë e Australi”.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP