Boshnjakovski: Vizita e Koxiasit është hap para drejt zgjidhjes së kontestit të emrit

Vizita e shefit të diplomacisë greke, Nikos Koxias në Maqedoni është hap para drejt zgjidhjes përfundimtare të kontestit të emrit të Maqedonisë, deklaroi sot zëdhënësi i Qeverisë, Mile Boshnjakovski, transmeton Portalb.mk.

Ai përsëriti se çdo zgjidhje për kontestin do të shkojë përmes ndërmjetësuesit, Metju Nimic dhe do të arrihet me kompromisin e të dy anëve.

Koxias më 22 mars do të vijë në Shkup

Kontesti 25 vjeçar

Ndryshe, Greqia dhe Maqedonia kanë çështje të hapur për emrin që nga pavarësimi i Maqedonisë në vitin 1991. Në vitin 1995, Kombet e Bashkuara u bënë ndërmjetës në zgjidhjen e emrit duke dërguar person special si mediator. Deri më sot, ndërmjetësimi nuk ka sukses. Greqia pretendon se shteti i Maqedonisë është duke e përdorur emrin e regjionit verior grek i cili mban emrin Maqedoni, përcjellë Portalb.mk.

Megjithatë, pas ardhjes në pushtet të Zoran Zaevit, kjo çështje është riaktualizuar duke rifilluar bisedimet për kontest. Pas një takimi të kryeministrave të Maqedonisë dhe Greqisë në Davos të Zvicrës, Zaev, njoftoi se Maqedonia ka vendosur që t’i ndryshojë emrat e autostradës dhe aeroportit të cilët e mbajnë emrin e figurës së kontestuar nga pala greke – Aleksandri i Maqedonisë. Me vendim të Qeverisë, autostrada u riemërua në “Miqësia”, ndërkaq aeroporti në “Aeroporti i Shkupit”.

Greqia kërkon që Maqedonia ta ndryshojë emrin, me një emër pa përkthim, por edhe ta ndryshojë Kushtetutën, ndërkaq nga ana tjetër, Maqedonia kërkon që emrit aktual t’i shtojë mbiemër të përkthyeshëm, dhe të mos e ndërrojë Kushtetutën. Prej 5 propozimeve që u përfolën në opinionin, dy prej propozimeve më serioze për emrin e Maqedonisë janë: Maqedonia e Epërme dhe Maqedonia Veriore.

• LEXO: Merkel-Cipras: Kancelarja do të vazhdojë ta inkurajojë Maqedoninë dhe Greqinë që ta zgjidhin kontestin e emrit 
• LEXO: Maqedoni – Greqi, interesat gjeostrategjike imponojnë zgjidhjen e kontestit të emrit

Bisedimet vazhdojnë, në nivel ministrash, me ndërmjetësim të të dërguarit special të OKB-së, Methju Nimic.

Shpresat për integrim të Maqedonisë në NATO dhe BE, janë gjithnjë më të fuqishme, duke pasur parasysh se sinjalet e Komisionit Evropian janë se Maqedonia do ta rimerr rekomandimin për fillimin e bisedimeve hyrëse për anëtarësim në BE. Kjo u vërtetua edhe me publikimin e Strategjisë së KE-së për anëtarësimin e vendeve ballkanike në BE, por edhe nga kryetari i Komisionit Evropian, Zhan Klod Junker, i cili në javën e fundit të shkurtit ishte për vizitë në Shkup. Edhe pse, Junker tha se nuk mund të japë datë për fillimin e bisedimeve, megjithatë, shtoi se Maqedonia është në rrugë të drejtë. Megjithatë, përveç menjanimit të kontestit për emrin me Greqinë, që të anëtarësohet në BE, Maqedonia duhet të punojë edhe në sundimin e ligjit, rritjen e ekonomisë dhe konkurrencës, zhvillimin e arsimit dhe sigurisë si dhe komunikimin digjital.

• LEXO: Strategjia e BE-së: ja çfarë ndryshime duhet të bëjë Maqedonia që të integrohet në BE
• LEXO: Çështja e emrit, Zhbogar: BE nuk pranon shtete që kanë problem me fqinjët 
• LEXO: Han: Brukseli do të rekomandojë fillim të bisedimeve me Maqedoninë
• LEXO: Han “plotësisht i sigurt” se kontesti me emrin do të zgjidhet deri në korrik 
• LEXO: Junker: Asnjë vend i Ballkanit Perëndimor nuk i plotëson kushtet për hyrje në BE
• LEXO: Junker refuzoi të përgjigjet nëse është e arsyeshme kërkesa e Greqisë që Maqedonia ta ndërrojë Kushtetutën
• LEXO: Mesazh i qeshur nga Brukseli: Ecni përpara, por mbaroni punën me Greqinë që të shpërbleheni