Ligji i gjuhëve rikthen VMRO-DPMNE-në në karriget e Kuvendit të Maqedonisë

“Deputetët tanë do të marrin pjesë në seancë, por për hapat e mëtutjeshme do të informoheni me kohë”, është shprehur lideri i opozitares maqedonase VMRO-DPMNE, Hristijan Mickosi i pyetur se a do të marrin pjesë në seancën e nesërme ku në rend dite është ligji për përdorimin e gjuhëve, njofton Portalb.mk.

Ai ka bërë thirrje që të thirret mendja dhe të largohen veprimet devijuese nga Kuvendi i Maqedonisë.

“Për herë të fundit ju ftoj që ta thirrni mendjen dhe ta largoni këtë sjellje devijuese në Parlament, miratimin e dhunshëm të ligjit dhe ftoj që të respektohet Rregullorja dhe diskutimi i amendamenteve të cilën VMRO-DPMNE-ja e pret nesër”, ka thënë Mickoski.

Përndryshe, këto deklaratë e Mickoskit erdhën pasi sot për të tretën u caktua seancë për ligjin për përdorimin e gjuhëve i cili që nga 29 janari nuk arriti të kalojë leximin e tretë. Tërë kjo mosthirrje e ligjit erdhi sepse ende janë aktuale 35,569 amendamentet të cilat u propozuan nga opozitarja maqedonase, VMRO-DPMNE – nën arsyetimin që e njëjta të plotësohet dhe të reflektojë barazi sociale.

Sipas Rregullores së Kuvendit, për secilin amendamentet, propozuesi, në këtë rast VMRO-DPMNE-ja ka të drejtë që të shtjellojë të njëjtin 3 minuta, që në total nëse diskutohen të gjitha amendamentet do të duhen 105,000 minuta. Matematika optimiste thotë se për një orë mund të shtjellohen 30 amendamentet ose 240 në ditë.

Debati për ligjin e gjuhëve në Kuvend filloi më 5 shtator të vitit të kaluar në Komisionin për Çështje Evropiane, ndërsa shumica parlamentare e aprovoi nevojën për miratimin e tij më 15-të nëntor të vitit të kaluar.

 

Ligji për gjuhët, nesër përpjekje e re për votim

LSDM dhe BDI do të votojnë dygjuhësinë pa diskutim të amendamenteve?

 

 

 

 

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP