Zaev i përgjigjet Mickoskit: deklaratat e tua janë “copy-paste” e Gruevskit

Deklaratën e liderit të opozitës maqedonase, Hristijan Mickoski kryeministri i Maqedonisë, Zoran Zaev e quajti si “copy-paste” të ish liderit të VMRO-DPMNE-së, Nikolla Gruevski. I pyetur se kur pritet të miratohet ligji për përdorimin e gjuhëve, Zaev u shpreh se “kjo do të ndodhë brenda kësaj jave”, transmeton Portalb.mk.

“Ajo që është aktuale në Maqedoni është ligji i gjuhëve dhe kjo është diskutuar që 9 muaj. Më parë këto lloj ligje janë sjellë para përfundimit të mandatit qeveritar, kurse tash është ndryshe dhe për të njëjtin ka 9 muaj që debatohet. Porositë që i dërgon lideri i opozitës janë si copy-paste e Gruevskit. Shumica në parlament do të rritet, sepse qeveria e Maqedonisë ka një koncept, “Një shoqëri për të gjithë”. Unë pres që të ketë dialog, dhe në pajtueshmëri me Kushtetutën dhe ligjin, çështja e fundit e Marrëveshjes së Ohrit të marrë fund që të mund të punojmë në ekonomi dhe shëndetësi”, tha Zaev.

Ai shtoi se e rëndësishme është që ligji të miratohet, sepse kjo do të lehtësonte komunikimin ndërmjet njerës palë dhe tjetrës.

Përndryshe, kjo deklaratë e kryeministrit Zaev, vjen pasi që lideri i VMRO-DPMNE-së, Hristijan Mickoski ka deklaruar se partia e tij do të përkrah qeverinë dhe realizimin e reformave nëse hiqet dorë nga miratimi i ligjit për përdorimin e gjuhëve.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP