Facebook prezanton projektin ‘roboti në shtëpi’ (Video)

Së shpejti fotot që do hedhësh në Instagram mund të t’i kapë roboti që do të të ndjekë nëpër shtëpi. Supozohet që ky të jetë hapi tjetër i Facebook, nëse do të realizohet sigurisht.

Kompania e Facebook u pajis me një patentë për ndërtimin e një roboti vetë-balancues, i cili do të jetë i aftë të qëndrojë në dy ose tre këmbë. Ky robot do të jetë i pajisur me një ekran, kamera dhe mikrofon, shkruan CNN, përcjell Telegrafi.

Sipas patentës, roboti mund të ketë aftësi të tjera si transportimi i ngarkesave dhe një sistem ftohës për të kontrolluar temperaturën e tij. Është e paqartë se çfarë mund të bëjë Facebooku me një robot, por potenciali i tij është i madh.

Një robot vetë-balancues mund të përdoret për videot e konferencave. Facebook ka prezantuar video thirrjet e Messenger që prej 2015-së. Një robot në shtëpi gjithashtu mund të përdoret për të kapur fotografi dhe video në mënyrë autonome për Facebook dhe platformat e tjera si Instagram dhe WhatsApp.

Megjithatë kompanitë shpesh marrin shumë patenta, por shumë pak prej tyre kthehen në produkte reale. Patenta e robotit vetë-balancues u paraqit nga një punonjës i Facebook-ut i cili më parë ka punuar në një kompani robotike.

Këto lloje të robotëve mbeten një produkt i shtrenjtë. Ata kushtojnë disa mijë dollarë. /Telegrafi/

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP