Mattis: Përdorimi i armëve kimike në Siri është veprim “i pamatur”

Sekretari amerikan i Mbrojtjes, Jim Mattis ka paralajmëruar Sirinë, se përdorimi i armëve kimike nga qeveria siriane do të ishte “veprim shumë i pamatur” derisa ka cituar raporte të pakonfirmuara për sulme me gaz klori në Gutan Lindore, transmeton Reuters, përcjell REL.

Mattis ka kritikuar edhe mbështetjen ruse për Damaskun.

Mattis ka kërcënuar se do të ketë hakmarrje kundër forcave siriane nëse konfirmohet përdorimi i gazit të klorit.

“Përdorimi i armëve kimike është veprim shumë i pamatur. Mendoj se presidenti amerikan, Donald Trump e ka bërë shumë të qartë këtë në administratën e tij”, ka thënë Mattis para një numri të vogël të gazetarëve, para se të arrinte në Oman.

Mattis ka thënë se ai nuk ka të dhëna për përdorim të sulmeve kimike, mirëpo ka dëgjuar për shumë raporte lidhur me përdorimin e gazit të klorit.

Shpëtimtarët dhe aktivistët opozitarë në Gutan Lindore kanë akuzuar qeveinë për përdorim të këtyre armëve gjatë ofensivës në këtë pjesë të shtetit.

Qeveria siriane e kundërshton ashpër një gjë të tillë.

Presidenti sirian, Bashar al-Assad ka premtuar se do të vazhdojë luftimet në Gutan Lindore, në një prej ngjarjeve më të përgjakshme të luftës.

Sipas aktivistëve, nga luftimet e forcave qeveritare në tri javët e fundit kanë vdekur më shumë se 1,000 civilë.

Mattis ka thënë se Rusia mund të jetë bashkëpuntore në sulmet e forcave siriane ndaj civilëve.

Rusia i ka dhënë mbështetje vendimtare qeverisë së presidentit sirian, Bashar al-Assad në luftën civile afro shtatë vjeçare.

Leave a Reply

Your email address will not be published.

Të nderuar komentues! Duke mos dashur të cenojmë opinionet tuaja, lutemi që ato të mos përmbajnë gjuhë të urrejtjes, fyerje dhe ofendime personale dhe të jenë në lidhje me shkrimin, apo temën për të cilën komentohet. Në të kundërtën, nuk do të publikohen. Ju falenderojmë që na ndiqni dhe ju ftojmë të vazhdoni të jeni pjesë e Portalb.mk

*

VERZIONI DESKTOP