Politikani që e ndan pagën për studentë

I ushtron dy profesione, por asnjëri nuk i pëlqen se si funksionojnë në Kosovë. Ai ka zgjedhur një rrugë krejt tjetër. Dëshiron ta bëjë diferencën. Dhe i tillë mund të konsiderohet.

Fitim Haziri (1982) nga Podujeva nuk u ngjan shumë mjekëve në Kosovë e as politikanëve, edhe pse me të dyja merret çdo ditë.

Ai nuk do që të bëhet pjesë e lajmeve të përditshme që flasin për korrupsion, shpërdorim të detyrës zyrtare e të parasë publike, për mosofrim të shërbimeve e johumanizëm. Sepse Fitimi nuk është prej atyre që e zhvatin Kosovën. As si ata që e shkelin betimin e Hipokratit. Ai është krejt ndryshe, shkruan sot “Koha Ditore”.

Të dyja profesionet i ka zgjedhur për të qenë në shërbim të të tjerëve. Për t’i shëruar e për t’i ndihmuar. Për t’u gjetur zgjedhje edhe kur të tjerët mund të dorëzohen.

Fitim Haziri nuk dëshiron që kërkuesit e dijes në këtë kohë t’i kenë vështirësitë e njëjta që ai i kishte dikur si student. Pagën prej këshilltari komunal ai e ka ndarë bursë për tre studentët e Komunës së Podujevës. Dhe kjo thotë se e bën shumë të lumtur e krenar. Edhe ai ishte bursist gjatë studimeve. Por, atëkohë jo gjithçka kishte shkuar mirë.

Lajme të ngjashme

Leave a Reply

Your email address will not be published. Required fields are marked *

Back to top button